Respectful Innovation.
HS Orka hafði sterka vitund, en takmarkaða merkingu í huga almennings. Fólk þekkti nafnið, en síður hlutverk fyrirtækisins, sérstöðu þess eða það sem gerði HS Orku ólíka öðrum orkufyrirtækjum. Verkefnið var að færa sterka sjálfsmynd fyrirtækisins skýrar út á markaðinn — og byggja vörumerki þar sem nýsköpun, ábyrgð og virðing fyrir náttúru mynda eina heild.
Þekkt nafn, en óskýr merking.
20%
Þekkja HS Orku frekar eða mjög vel
24%
Geta sagt hvert meginhlutverk HS Orku er
16–17%
Viðskiptavina telja HS Orku einstakt
70%
Starfsfólks telja HS Orku einstakt
01 · ÁSKORUNIN
Þekkt nafn, en fáir vissu hvað stóð á bak við það.
HS Orka mældist sterkt í vitund, en þekkingin var grunn. Fólk þekkti nafnið, en vissi síður hvað fyrirtækið gerði, hvert hlutverk þess var eða hvað aðgreindi það frá öðrum orkufyrirtækjum. Aðeins 20% töldu sig þekkja HS Orku frekar eða mjög vel og aðeins 24% gátu sagt hvert meginhlutverk fyrirtækisins væri.
Á sama tíma var mikið bil milli sjálfsmyndar og ímyndar. Starfsfólk upplifði HS Orku sem framsækið, einstakt og áhugavert fyrirtæki, en sú mynd skilaði sér ekki nægilega út á við. Verkefnið var að minnka þetta bil og byggja skýrari, jákvæðari og aðgreinanlegri stöðu.
Á sama tíma var mikið bil milli sjálfsmyndar og ímyndar. Starfsfólk upplifði HS Orku sem framsækið, einstakt og áhugavert fyrirtæki, en sú mynd skilaði sér ekki nægilega út á við. Verkefnið var að minnka þetta bil og byggja skýrari, jákvæðari og aðgreinanlegri stöðu.
Traust til HS Orku
3.2/5
HS Orka naut takmarkaðs trausts meðal almennings.
24%
vita hvert meginhlutverk HS Orku er.
02 · RANNSÓKN OG INNSÝN
Við leituðum að bilinu milli sjálfsmyndar og ímyndar.
Rannsóknin sameinaði innri rýni, markaðsrýni og ytri rýni. Viðtöl við innri og ytri hagaðila, Brandr-vísitala, mannauðsvísitala, samkeppnisgreining og sérsniðin könnun voru lögð saman til að skilja hvað HS Orka var í raun — og hvað almenningur sá.
Innsýn eitt
Sterk sjálfsmynd skilaði sér ekki út á við.
Starfsfólk sá HS Orku sem framsækið, einstakt og áhugavert fyrirtæki, en almenningur tengdi mun minna við þessa eiginleika. Bilið milli sjálfsmyndar og ímyndar var því eitt skýrasta viðfangsefnið.
Innsýn tvö
Vitundin var sterkari en skilningurinn.
Fólk þekkti nafnið HS Orka, en hafði takmarkaða þekkingu á hlutverki fyrirtækisins og hvað það gerði öðruvísi. Aðeins 24% gátu sagt hvert meginhlutverk þess væri.
Innsýn þrjú
Nýsköpunin var sérstaðan sem vantaði í frásögnina.
Innri og B2B-rannsóknir drógu fram nýsköpun, Auðlindagarðinn og sjálfbærni sem raunverulega styrkleika HS Orku. Tækifærið var að gera þessa styrkleika sýnilegri og byggja skýrari frásögn í kringum þá.
Stefnumótandi hreyfing
Frá orkuframleiðanda yfir í Respectful Innovation.
Stefnumótunin færði HS Orku frá því að vera fyrst og fremst skilgreint út frá framleiðslu yfir í skýrari hugmynd um hvernig fyrirtækið vinnur og hvaða hlutverki það gegnir. Kjarninn varð Respectful Innovation — að nýsköpun, ábyrgð og virðing fyrir náttúru þurfi alltaf að fara saman.
Sú staða tengdi saman þrjá styrkleika sem rannsóknin hafði þegar dregið fram: nýsköpun, sjálfbærni og samfélagslegt hlutverk. Þannig fékk HS Orka skýrari frásögn um hvernig orka verður að tækifærum án þess að missa sjónar á auðlindunum og samfélaginu sem fyrirtækið byggir á.
Sú staða tengdi saman þrjá styrkleika sem rannsóknin hafði þegar dregið fram: nýsköpun, sjálfbærni og samfélagslegt hlutverk. Þannig fékk HS Orka skýrari frásögn um hvernig orka verður að tækifærum án þess að missa sjónar á auðlindunum og samfélaginu sem fyrirtækið byggir á.
04 · AUÐKENNISKERFI
Arfleifðin varð að kerfi fyrir framtíðina.
Auðkenniskerfið byggir áfram á þekktu HS Orku-merki, en skerpti það og gerði það aðgreinanlegra. Form merkisins varð grunnur að stærra sjónrænu kerfi þar sem rauði liturinn, íslenskt landslag, jarðvarmi og innviðir fyrirtækisins vinna saman að skýrari og sterkari heild.
Kerfið var hannað til að endurspegla Respectful Innovation — með jarðbundinni litapallettu, raunverulegum ljósmyndum, skýrri upplýsingahönnun og sveigjanlegri notkun yfir allt frá vef og kynningarefni yfir í merkingar, vinnufatnað og iðnaðarumhverfi.
Kerfið var hannað til að endurspegla Respectful Innovation — með jarðbundinni litapallettu, raunverulegum ljósmyndum, skýrri upplýsingahönnun og sveigjanlegri notkun yfir allt frá vef og kynningarefni yfir í merkingar, vinnufatnað og iðnaðarumhverfi.
Hönnunarreglur
Merkið varð grunnform fyrir allt auðkennið. Rauði liturinn virkar sem skýr áherslulitur, en aðrir litir eru sóttir í náttúru og rekstrarumhverfi HS Orku. Ljósmyndir eiga að vera raunverulegar, ófilteraðar og sýna fólk, staði og veður eins og þau eru. Letur, tákn og gagnamiðlun fylgja sama markmiði: einfaldleika, skýrleika og trúverðugleika.
06 · NIÐURSTÖÐUR
Skýrari saga fyrir fyrirtæki sem hafði meira að segja.
Úr vörumerkjarýninni varð til skýrari staðfærsla, sameiginleg frásögn og auðkenniskerfi sem tengir betur saman það sem HS Orka er innanhúss og hvernig fyrirtækið birtist út á við. Respectful Innovation varð rauði þráðurinn í gegnum stefnu, skilaboð og sjónræna tjáningu.
Respectful Innovation — sameiginleg staðfærsla vörumerkisins
3 skilaboðasúlur — Nature · Opportunity · Community
Nýtt auðkenniskerfi — merki, litir, letur, ljósmyndir og tákn
Ein skýr rödd — Confident · Optimistic · Thoughtful
Eitt kerfi, margir snertifletir — vefur, samfélagsmiðlar, merkingar, kynningarefni og iðnaðarumhverfi
Höfum samband
Vörumerkið þitt á skilið 30 mínútna samtal.
Hvort sem þú vilt mæla hvar vörumerkið þitt stendur, byggja sterkari stefnu eða sjá hvernig þú stendur miðað við samkeppnina, þá byrjar það á samtali. Enginn sölupitch. Bara heiðarleg skoðun á stöðu þinni og hvar við gætum hjálpað.
.svg){kind=logo}