Litróf einfaldra rétta sem auðga lífið.
1944 hafði sterka vitund og skýra stöðu, en ímyndin var orðin þröng og gamaldags. Verkefnið var að breikka vörumerkið fyrir fjölbreyttari neytendur og nútímalegri neysluvenjur — án þess að missa einfaldleikann, þægindin og kunnugleikann sem fólk tengdi þegar við 1944.
Við byrjuðum á að skilja hvernig fólk sá 1944.
581
Svör í Brandr vísitölu
2
Rýnihópar
6
Matvöruverslanir heimsóttar
3
Rannsóknaraðferðir
01 · ÁSKORUNIN
Þekkt vörumerki, en föst í gamalli ímynd.
1944 bjó yfir sterkri vitund og fólk vissi almennt að hverju það gekk. Á móti var vörumerkið sterkt tengt gamaldags, hefðbundnum einstaklingsréttum og ákveðnum þröngum markhópum — frekar en fjölbreyttum og nútímalegum neysluvenjum.Áskorunin var að nútímavæða stöðuna og breikka ásýnd vörumerkisins, án þess að missa þá einföldu, þægilegu og kunnuglegu eiginleika sem fólk þegar treysti.
581 svör
Svörrannsóknin sýndi sterka vitund, en þrönga og gamaldags ímynd.
6 verslanir
Vettvangsviðtöl við neytendur.
02 · RANNSÓKN OG INNSÝN
Rannsóknin sýndi hvað þurfti að varðveita — og hvað þurfti að breytast.
Rannsóknin sameinaði Brandr-vísitölu, tvo rýnihópa og vettvangsferðir í sex matvöruverslanir. Markmiðið var að skilja bæði hvað fólk tengdi við 1944 í dag og hvað þyrfti að breytast til að vörumerkið gæti höfðað til breiðari hóps.
Innsýn eitt
Sterk vitund, en þröng ímynd.
Fólk þekkti 1944 og vissi almennt að hverju það gekk, en vörumerkið var sterkt tengt gamaldags heimilismat, einstaklingsskömmtum og frekar afmörkuðum markhópum.
Innsýn tvö
Umbúðirnar drógu niður skynjunina.
Ímynd af lítilli ferskleika og takmörkuðu næringargildi tengdist sterkt því hvernig réttirnir voru pakkaðir og framreiddir. Umbúðirnar urðu því hluti af vandanum, ekki bara ytra byrði.
Innsýn þrjú
Fólk kallaði eftir meiri fjölbreytni og nútímalegri valkostum.
Bæði yngri og eldri þátttakendur nefndu þörf fyrir fjölbreyttari rétti, fleiri grænmetis- og veganvalkosti, skýrari upplýsingar og vörur sem endurspegluðu betur breyttar neysluvenjur.
Stefnumótandi hreyfing
Frá gamaldags heimilismat yfir í fjölbreyttari hluta af nútímalífi.
Stefnumótunin breikkaði hlutverk 1944 án þess að hafna því sem fyrir var. Kjarninn varð „Litróf einfaldra rétta sem auðga lífið“ — hugmynd sem sameinaði hefðbundna og nýstárlega rétti undir einu vörumerki og færði fókusinn yfir á fjölbreytni, einfaldleika, næringu og þægindi.
Þannig gat 1944 áfram átt traustan sess hjá þeim sem vildu kunnuglegan heimilismat, en á sama tíma opnað vörumerkið fyrir breiðari hóp og breyttar neysluvenjur.
Þannig gat 1944 áfram átt traustan sess hjá þeim sem vildu kunnuglegan heimilismat, en á sama tíma opnað vörumerkið fyrir breiðari hóp og breyttar neysluvenjur.
04 · AUÐKENNISKERFI
Fjölbreytnin fékk sameiginlegt sjónrænt tungumál.
Nýja auðkenniskerfið var byggt til að sameina breiðara vöruúrval undir einu skýru vörumerki. Kerfið greinir á milli hefðbundinna og nýstárlegri rétta með litum og framsetningu, en heldur þeim saman með sama merki, letri, ljósmyndastíl og grunnformum.
Þannig gat 1944 orðið litríkara og nútímalegra án þess að missa kunnugleikann sem þegar var til staðar.
Þannig gat 1944 orðið litríkara og nútímalegra án þess að missa kunnugleikann sem þegar var til staðar.
Hönnunarreglur
Tvær meginlínur — hefðbundnir og nútímalegri réttir — fá ólíka sjónræna nálgun en lifa innan sama kerfis. Sporaskjan úr merkinu, litapallettan, Archivo letrið, tákn og tabletop-ljósmyndir skapa samræmda og auðþekkjanlega framsetningu á umbúðum og í markaðsefni.
06 · NIÐURSTÖÐUR
Eitt vörumerki fyrir fjölbreyttari matarmenningu.
Úr rannsókninni varð til skýrari og breiðari staða fyrir 1944. Vörumerkið hélt í einfaldleikann og þægindin sem fólk þekkti, en fékk nýtt hlutverk sem gat rúmað bæði hefðbundna og nútímalegri rétti undir einni heild.
Ein sameiginleg stefna — Litróf einfaldra rétta sem auðga lífið
Tvær vörulínur — hefðbundnir og nútímalegir réttir undir sama vörumerki
Nýtt auðkenniskerfi — merki, litir, letur, ljósmyndir, tákn og sporaskja
Skýrari vörumerkjarödd — Fjölbreytt · Einfalt · Næringarríkt · Þægilegt
Samræmdar umbúðir — eitt kerfi sem getur tekið við fjölbreyttara vöruúrvali
Höfum samband
Vörumerkið þitt á skilið 30 mínútna samtal.
Hvort sem þú vilt mæla hvar vörumerkið þitt stendur, byggja sterkari stefnu eða sjá hvernig þú stendur miðað við samkeppnina, þá byrjar það á samtali. Enginn sölupitch. Bara heiðarleg skoðun á stöðu þinni og hvar við gætum hjálpað.
.svg){kind=logo}